ಪ್ರಿಯದರ್ಶಿನಿ ಸಮಾಜಮುಖಿ ಕಾರ್ಯಕ್ರಮ ಅಭಿನಂದನೀಯ - ಡಾ ಸಾತ್ವೀಕ್ ಪ್ರಮೋದ್

ಅವರು ಹಳೆಯಂಗಡಿ  ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿಯ  ಪಡುಬಿದ್ರಿ ಶಾಖೆಯ ನಾಲ್ಕನೇ ವರ್ಷದ ವಾರ್ಷಿಕೋತ್ಸವದ ಕಾರ್ಯಕ್ರಮದಲ್ಲಿ ಸ್ಥಳೀಯ ಅಂಗನವಾಡಿ ಕೇಂದ್ರಗಳಿಗೆ ಏರ್ ಕೂಲರ್ ವಿತರಿಸಿ ಮಾತನಾಡಿದರು.

ಮುಖ್ಯ ಅತಿಥಿಯಾಗಿ ರಾಜ್ಯ ಪ್ರಶಸ್ತಿ ವಿಜೇತ ಸಾಹಿತಿ ಶ್ರೀಮತಿ ಫಾತಿಮಾ ರಲಿಯಾ ಹೆಜಮಾಡಿ ಮಾತನಾಡಿ ಪ್ರಿಯದರ್ಶಿನಿ ಸೊಸೈಟಿಯು ಇತರ ಸೊಸೈಟಿಗಳಂತೆ ಕೇವಲ ವ್ಯವಹಾರಕ್ಕೆ ಮಾತ್ರ ಸೀಮಿತವಾಗಿರದೆ ಅಂಗನವಾಡಿಯ ಬಡ ವಿದ್ಯಾರ್ಥಿಗಳಿಗೂ ಉತ್ತಮ ವ್ಯವಸ್ಥೆಗಾಗಿ ಇಂತಹ ವ್ಯವಸ್ಥೆಗಳನ್ನು ನೀಡುತ್ತಿರುವುದು ಅಭಿನಂದನೀಯ ಇವರ ಕಾರ್ಯ ಹೀಗೆ ಮುಂದುವರೆಯಲಿ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆ  ವಹಿಸಿಕೊಂಡ ಸೊಸೈಟಿಯ  ಅಧ್ಯಕ್ಷ  ಹೆಚ್ ವಸಂತ್ ಬೆರ್ನಾರ್ಡ್ ರವರು ಮಾತನಾಡಿ ಪಡುಬಿದ್ರೆ ಶಾಖೆಯು ಉತ್ತಮ ಲಾಭಾಂಶದೊಂದಿಗೆ ಉತ್ತಮ ಅಭಿವೃದ್ಧಿ ಹೊಂದಲು ಸಹಕರಿಸಿದ ಸ್ಥಳೀಯ ಗ್ರಾಹಕರಿಗೂ, ಸದಸ್ಯರಿಗೂ ಮತ್ತು ಮಾಧ್ಯಮ ಮಿತ್ರರಿಗೂ ಕೃತಜ್ಞತೆ ಅರ್ಪಿಸಿದರು.

ಅಬ್ಬೇಡಿ ಅಂಗನವಾಡಿ ಕೇಂದ್ರದ ಶ್ರೀಮತಿ ಶ್ಯಾಮಲಾ, ಗಣಪತಿ ದೇವಸ್ಥಾನ ಕೆಳಗಿನಪೇಟೆ ಅಂಗನವಾಡಿ ಕೇಂದ್ರದ ಶ್ರೀಮತಿ ಅನಿತಾ, ಸಾಗರ್ ವಿದ್ಯಾಮಂದಿರ ಅಂಗನವಾಡಿ ಕೇಂದ್ರದ ಶ್ರೀಮತಿ ಶೋಭಾ, ಬೀಡಿನ ಕೆರೆ ಅಂಗನವಾಡಿ ಕೇಂದ್ರದ ಶ್ರೀಮತಿ ಲೀಲಾ ರವರು ಸೊಸೈಟಿಯ ಕೊಡುಗೆಗೆ ಕೃತಜ್ಞತೆ ಸಲ್ಲಿಸಿದರು.

ಸಮಾರಂಭದಲ್ಲಿ ನಿರ್ದೇಶಕರಾದ  ಗಣೇಶ್ ಪ್ರಸಾದ್ ದೇವಾಡಿಗ,  ಧನಂಜಯ ಮಟ್ಟು,  ಅನಿಲ್ ಪೂಜಾರಿ ಸಸಿಹಿತ್ಲು ಭಾಗವಹಿಸಿದರು. ಶಾಖಾ ಪ್ರಬಂಧಕ   ಶ್ರೀಮತಿ ಅಂಜಲಿ ಉಳ್ಳಾಲ್ ಎಸ್  ಸ್ವಾಗತಿಸಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ  ಸುದರ್ಶನ್ ಪೂಜಾರಿ  ವಂದಿಸಿದರು. ಸಿಬ್ಬಂದಿಗಳಾದ ಶ್ರೀಮತಿ ಪರ್ಣಾಲಿ ಕಿಣಿ ಮತ್ತು ರಕ್ಷಿತ್ ರವರು ಕಾರ್ಯಕ್ರಮ ನಿರೂಪಿಸಿದರು.